كرهتك قصيده خرافيه موطبيعيه

كرهتك مره لين إغلطت وياي
وكلت لازم اعوفك حتى اعذبك
واجيتك عصبي وفد مره مغتاض
ولمن وصلت ... كتلك احبك !

وردت منك حبيبي تشبع العين
واجيتك من بعد فترة غيابك
ومن ودعتك ورديت للبيت
ردت أفتح الباب ولنه بابك

سطيت انت عليه بضحكة ورموش
وبكت مني جميع الحب والاحساس
ولك رجعلي منه شويه مو عيب
اذا صار الك كله شنطي للناس ؟!

ومعروفة اليغيب هواي يفصلوه
ويكلوله بعد محد يلفيك
وانت شكد تغيب اقبل بلغياب
وافصل بالحضور وأنت اخليك !

عليك شكد اخاف .. شكد اداريك
حبيبي اتمنه داخل عيني اضمك
اذا مو انت بيهه الدنيه شتفيد ؟
ولك هم زين ابوك تزوج امك !!

ومعروف الحجي يطلعنه الحلوك
ومن يطلع يمر فوك الشفايف
وبما انك عسل متروسة شفتيك
لذا لو سولفت تحله السوالف

يقطعة كيك جنك ذايب ذيوب
اذا اعوفك مترجع عيني وياي !
ينظف العالم الماي من يسبحون
بس من تسبح انت تنظف الماي !!

بمغيب الشمس تبدي الظلمة والليل
وهالموضوع ما بي ابد تشكيك
بس يختلف وضعه العايش وياك
يبدي الليل عنده من يغطيك !

الك عندي مشاعر تترس الكون
والك بيه عشك يا ريت يعجبك
وحبك بالكلب ينقاس باحجام
عندي اصغر حجم .. (( كلش احبك )) !
تحيتي لكم احبتي
اهدااء خاص لغاليتي وعام لكم اعزائي
القصيده للشاعر امجد صلاح
اعتذر لقله تواجدي
ولو طولت بالحجي بس لاتنسون الردود
ترى ازعل هههه

__________________

شكراا اخي العزيز

عاشـق العراق

على القصيدة الجميلة واطلالتك الاجمل

ذوق مميز بالاختيار

قصيدة متكاملة

شكراااا لك اخي

تقبل مني اجمل التحيااات

كتبت فابدعت ورسمت فبهرت

كلمااات جميلة وهمسات اجمل

كلمات تحاكي القلوب

رسمت باجمل اسلوب

لك مني اجمل تحية