الجزء الثاني من قصة قريب رغم البعد

جنا طلعت غرفتها وهي معصبه مو عارفه اش تسوي .. تدق على رغد .. بس أكيد رغد نايمه الساعة 11 يعني بدري .. وعارفه انو رغد موتها النوم .. اش تسوي ؟؟ أخذت مجله .. جلست فوق الكرسي الهزاز.. تقلب في أوراقها بعصبيه .. وانقطعت صفحه.. رمت المجلة على جنب فو ق السرير.. قامت شغلت المسجل .. تحط شريط وتخرج شريط .. اخذت التلفون ..
جنا : الو رغد ؟
رغد : مين جنا ؟؟
جنا : اجل مين ؟؟
رغد : جنا الساعة كم ؟؟
جنا : الساعة 12 إلا ربع ؟
رغد تتثاوب : حرااام عليكي مقومتني من بدري
جنا : كافي يا دبه نوم .
رغد : وش قومكي بدري ؟؟
جنا : نسيت ستارة البلكونه مفتوحه وقمت من ضوء الشمس طبعا.
رغد : طيب سكريها ونامي . ابي انام .
جنا : طيب .. رغد لما تقومي كلميني .
رغد : طيب ..
.....................
ترن ترن ..
أم ماجد : السلام عليكم .
لما : وعليكم السلام و الرحمة .. هلا يمه .. كيفك ؟؟
أم ماجد : الحمد الله .. كيفك أنت .. طمنيني عليكي ؟؟ اش قال الدكتور؟نسيت ادق .. اسموحه يا لما.
لما : وش ها لكلام يمممممممه انا الحمد الله .. كويسه .
أم ماجد تعيد : وش قال الدكتور ؟؟
لما بشويش : يممممممممممه بيصييييييييير
أم ماجد : بسرعه الله يسعدك .
لما: افرحي يمه عندك عندك حفيد ثلاث في الطريق ..
أم ماجد : مبرووك ألف مبروك يا بنيتي .. الله يتمملك بخير .. كم لك وانت حامل .؟
لما : آمين ..يعني حول الاسبوع الرابع ..
أم ماجد : كيف عادل ؟
لما : لو تشوفيه يمه مبسوووووووووط بالحيل ..
أم ماجد : دايم إن شاء الله ..
لما : وين جنا ؟؟ أعطيني إياها .
أم ماجد : في غرفتها .. لحظه بس أناديها ..
جنا .. يا جنا ... جنااااااا..
جنا : نعم يمه
أم ماجد : تعالي كلمي لما ..
جنا : يمه حولي المكالمة لغرفتي ..
جنا : الو لما .. كيف الحال ؟؟
لما : الحمد الله .. قولي مبرووك ..
جنا : ليش ؟؟ وش كسبتي ؟؟
لما : لا ما كسبت شي يلا قولي مبروك .
جنا : طيب ليش؟
لما : قولي اول .
جنا بمكر : ها عرفت.. حامل صح ألف ألف مبروك..
لما : ايه صح .
جنا: سوتيها يا أخت جنا ..
لما : استحي يا بنت ..
جنا : أخيرا بصير خاله ..
لما : وش اخيرا .. مالي كثير متزوجه .
جنا : اعرف ناس من اول.. وقبل ماتكمل..
لما : يلا انت وكلامك البايخ .. اقول مع السلامة الحين يجي عادل ..
جنا : جزاتي ..يلا مع السلامة ..
وحطت السماعه .. وثواني دق تاني ..
جنا : الوووو .
رغد : الو .. كيفك ؟؟
جنا : الحمد الله ... صحيتي متى يا لدبه ؟؟..
رغد : كلو منك ما قدرت انام .. مو شايفه متصله ؟؟
جنا حست بتأنيب الضمير .. جنا : رغد ليكون ازعجتك وما شبعتي نوم .. اسفه .
رغد بضحكه : وش ها لكلام .. ماودي اسمعه ثاني .. ها ان شاء الله جايه ؟؟
جنا : ان شاء الله .. بس هبه جايه ؟
رغد : والله ما ادري ما كلمتها ..بس أكيد جايه .. نسيتي إنها مشتركه معانا في ال PARTY ؟؟
جنا : لا ما دري .. ما احد قالي .
رغد : ولحين عرفتي .. اكلمها أمكن تكون هونت ..
جنا : لا خلاص ما في داعي ..
رغد : وش ح تلبسي ..
جنا : ما فكرت وأنت ؟؟
رغد : أكيد بلطلون جينز وأي بلوزه ..
جنا : خلاص وأنا زيك ح لبس ..
رغد : O.K . يلا مع السلامة ورأي شغل .
جنا : مع السلامة .
........................
وبعد الغدا ..
جنا تعطي اوامر بدلع : يمه قولي لخالد يوصلني قبل المغرب أبي أروح بدري وأنا الحين طالعه البس .. لا تنسي قولي له ..
أم ماجد : طيب روحي البسي ولا تتأخري ..
أم ماجد طلعت لخالد ودقت باب غرفته ودخلت .. خالد جالس على الكمبيوتر ..
خالد التف لجهة امه : هلا يمه نورت الغرفة.
أم ماجد : منوره بصاحبها.
خالد : غريبه يمه ما ريحتي بعد الغدا ؟!!
أم ماجد : الحين رايحه .. اقول خالد .
خالد : ها يمه.. امري
أم ماجد : ما يامر عليك عدو... وش قلت بتوصل جنا ؟؟
خالد : انا عندي مشوار بعد المغرب ..
أم ماجد : كويس وصلها قبل المغرب وروح مشوارك .
خالد : اتفقنا ..
أم ماجد : الله يسعدك .
خالد : انا عندي كم سموووووور..هههههههههه.
وفي هذا الوقت جنا دخلت أخذت شور .. و استشورت شعرها .. ولبست بنطلون جينز كحلي غامق .. وبلوزه هاي نيك لون بني ... وجاكت بيج .. وحزام بني داخل فيه لون بيج .. وحطت بلاشر برنز خفيف و قلوس .. وكحلت عينها بكحل كحلي ...
ونزلت الصاله تسوي عرض قدام امها ...
جنا : يممممممممممممه
أم ماجد : خير .. انا في المطبخ .
جنا استغربت امها ماتدخل الا تشيك من يوم ما ولدت على هذا الحال :
وش تسوي يمه؟؟
أم ماجد : ابوكي يبي ماي فنزلت اجيب.
جنا: طيب الثلاجه اللي في غرفتكم ؟؟
أم ماجد : نسيت اقول لياتي (الخادمه) تعبيها كاسات (كاسات معبايه ماي جاهزه) .
جنا : ها يمه وش رايك فيا ..
أم ماجد : ما شاء الله قمر .. والله وكبرتي .. وصرتي عروسه ..
جنا : لا صغيره .. يمه كلمتي خالد .
أم ماجد : إيه بوصلك قبل المغرب .. البسي عبايتك الحين شوي يناديكي ..
جنا طلعت لبست العبايه .. وأخذت الشنطه .. وهي خارجه من غرفتها ..
قابلت خالد ..
جنا : ها خالد أنا جاهزة ..
خالد مكشر : يلا على السيارة ..
جنا ماردت عليه .. جنا : يمه مع السلامة ..
أم ماجد : لا تتأخري .
جنا وهي تطالع خالد : على حسب خالد .
خالد : ليش أنا اللي مرجعك .
جنا وهي تبتسم : وأنا عندي اخو غيرك .
وفي الطريق ..
جنا : والله ما أعيدها لا تزعل مني ..
خالد : مو زعلان
جنا : طيب وليش مو معطيني وجهه من أمس ؟؟
خالد : علشان ما تعيد يها ... هههههههههههه
جنا : بايخ .. هههههههه
ووصلوا بيت رغد .. وهي نازله من السياره ..
خالد : متى اجي اخذك ؟؟
جنا ماادري .. اكلمك ..
خالد : o.k.
رغد كانت منتظره جنا على الشباك وأول ما شافت السيارة قربت من البيت نزلت وفتحت الباب ..
رغد : أهلا جنا نورتي .. أتفضلي ..
جنا : البيت منور بأصحابه ..
رغد : اش ها لحركات .. والحلاوة ..
جنا بضحكه : لا حركات ولا شي ..
رغد لابسه بنطلون جينز وتي شيرت احمر مكتوب عليه بالأسود ..GUESS .. يعني بسيط .. مو زي جنا آخر شياكه
وبعد ما وصلوا باقي البنات ومن بينهم هبه .. كانت هبه أكثر الوقت تتطالع جنا .. وفي عينها كلام .. ووقت القهوة .. جات وجلست قرب جنا ..
وجنا مستغربه حركتها .. وفي نفسها تقول .. اش جابها جنبي مو كفاية من أول تراقبني ..
هبه : جنا كيفك ؟؟
جنا من غير نفس : كويسه ..
هبه : ما شاء الله محلوه.
جنا : شكرا ..(( جنا كانت أكثر وحده متكشخه ))
هبه : أنا عارفه انك زعلانه مني وأنا جايه استسمحك ..
جنا فكرت .. مدام هي جات .. ليش ما اسامحها.. هي ما سوت شي لدرجه اني ما اقبل عذرها .
هبه : ها اش قلتي؟؟
جنا بطيب خاطر : وأنا قبلت اعتذارك
هبه بابتسامه : صافيه لبن
جنا بادلتها الابتسامه : حليب يا قشطه
وفي نهاية الجلسة اتفقوا أن الحفل يكون بعد أسبوع من استلام النتائج .. ووزعوا المهمات كل وحده فيهم عليها مهمة .. هم 9 بنات ..
................................
خالد جا اخذ جنا الساعة 1 ونص .. وفي السيارة ..
خالد : جنا وش فيكي ساكتة مو عادتك .؟؟
جنا : خلاااااااااااااص منتهية في نوووووووووووم
خالد : كيف الجلسه ؟؟
جنا : وناسه .
خالد : طيب اش سويتي ؟؟
جنا وهي تغالب النعاس : اكلت وشربت ورقصت وكل شي .واتفقنا كمان.
خالد : على ايه اتفقتوا ؟؟
جنا: على ال PARTY ؟؟
خالد : أي PARTY هذا كمان ؟؟
جنا : عشان التخرج.
خالد يستهبل : أي تخرج ؟؟
جنا : مو ناقصه استهبال .
خالد : طيب متى ح تكون ؟؟
جنا : بعد ما نستلم النتائج بأسبوع ..
خالد : وعلى اش اتفقوا ..
جنا: ولي يسلمك بكرى أعلمك ..
خالد حس انها من جد ..تعبانه حتى من الكلام .. فرحمها.
ووصلت جنا وخالد البيت أم ماجد وأبو ماجد كانوا قد ناموا .. وعلى طول غيرت .. ولبست البيجامه .. وراحت في نووووووووووم عميق ..

خالد دخل غرفته بدل ملابسه .. واخذ جواله .. ودق على سماح ..
خالد : الو حبيبتي مشتاااااااااااق لكي ؟
سماح بدلع : أمس كنت عندي ..
خالد : ولو قبل ثواني .. انا لو ابتعد عنك لحظه .. اشتااااااااق لكي بالحيــــــــــــــــــــــل .
سماح : وأنا كمان .
خالد : والله .
سماح بدلع : والله .
وبعد ساعتين..
سماح : خالد ما تبي تنام ؟؟
خالد : طفشتي..
سماح : لا وربي بس ورآك صلاة جمعه لازم تقوم بكرى بدري ..
خالد : إيه والله صح كلامك .. الوقت متأخر الحين ؟؟..
سماح : لا مو مره .. بس الساعة 4 الا ربع.
خالد : ساعة كمان ..
سماح : وقول لعمي .. مثل الأسبوع الماضي .. كنت اكلم سماح ..
خالد : والله فكره ..ههههههههههههههههههه
سماح بمزح : والله .. حطها على راسي ..يلا مع السلامة ..
خالد : بس كلمه ..
سماح بدلع : أتفضل .. انا أسمعك .
خالد : احبـــــــــــــــــــك .
........................................
أبو ماجد وهو يدق على باب غرفة خالد : خالد .. خالد .. يلا ابوي الخطبه لا تفوتك..
خالد ولا هوا هنا .. ويدق أبو ماجد 2 و3 وفك الباب ودخل ..
أبو ماجد : يلا قوم قدامي ادخل الحمام ..
خالد : طيييييييييييب .. طييييييييييييب ..
أبو ماجد : انا نازل ورايح المسجد .. آبي أشوفك في المسجد ..
خالد : تأمر..
خالد بسرعة اخذ شور .. ونزل ..
أم ماجد : تعال افطر ..
خالد : ما يمدي ..
أم ماجد مدت يدها وأعطته ساندوش ..
خالد : يمه كثير.. آبي روح المسجد ..
أم ماجد : كله في الطريق .. وخرج .
.............................
جنا في غرفتها .. فوق الكرسي .. تفكر .. كيف أفاتحهم في الموضوع .. ما في وقت ..ح يرضوا؟؟ .. لازم يرضوا ويوافقوا ويقتنعوا .. هذا مستقبلي و حياتي .. وفتحت النت .. وجلست تطقطق عليه .. تبي تشوف النتيجة .. طلعت ولا لا ..
ودخلت أم ماجد وحطت يدها على كتف جنا : ها يمه بشري ؟؟..
جنا : ما في حاجه .. أمكن بالليل .. او بكرى ..
.........................
ومر أسبوع جنا وغيرها من الطلاب .. في توتر وعلى نار ..
جنا بصوت عالي : يمه يمه ..يممممممممممممممه
أم ماجد وهي تتنهد عشان طالعه من الدرج :ها اا خير خير يمه .. وش فيكي ..؟؟
أبو ماجد و خالد : جنا .. اش في ؟؟
جنا بفرح : طلع اسمي نجحت نجحت .. تعالوا اقروا اسمي وتأشر على اسمها في الجريدة ..
خالد : قطعتي قلوبنا ..مااحد نجح غيرك
أبو ماجد : مبروك حبيبتي ..
أم ماجد : ضمت جنا .. مبروك .. ألف مبروك حبيبتي ..
جنا : الله يبارك فيكم
خالد : كم النسبة ؟؟
جنا : ما نزلت..
خالد خرج وهو معصب.. ورجع كيف خرجت من غير ما ابارك لها .. هذه جنا..
خالد بابتسامه : مبروك .. جنا ..
جنا بابتسامه : الله يبارك فيك .
ورن التلفون ..
لما : مبرووووووووووك جنا ؟؟
جنا : الله يباركلك ..
لما : متى الحفلة ..؟
جنا : الخميس الجاي ..
لما : ومتى النسب ؟؟
جنا : ما فتحت النت ..
ورن الجوال ..
جنا : لما ثواني هذه رغد .. مع السلامة ..
جنا : مبرروووووووووك رغد ..
رغد : مبروووووووووك علينا كلنا ..
جنا بزعل : بس النسب متى تطلع ؟؟
رغد : طلعت ..
جنا : من جد ..والله .. طيب وين ؟؟
رغد : والله في النت .
جنا : طيب كم اخذتي ؟؟
رغد : 88.56%
جنا : مبروووك . يلا مع السلامة اشوف نسبتي.
رغد : انا على النت
ومن غير ما تكمل ..جنا برجاء طيب شوفي .
رغد : مااعرف رقمك .. كم رقمك ؟؟
جنا بسرعة : 01010027.
رغد : بشويش..بعد 010100
جنا : 27 ها كم ؟؟
رغد : لحظه ثواني .. جالس يفتح ..

نهاية الفصل ..

مشكور حبي ووووووووووووعة