دمك يالعراقي ليش مهدور ..... وانتة اعلة المنايه گادر اگدور .... وليش انتة يالعراق ابكلشي مغدور ..... مسجون بقفص جلاد وعالي بيك السور ..... اشو يابيت التنشد عليه من اهلة مهجور .... وياطير الي تشوفة بجنح مكسور .... شتترجة من البلابل مسجونة عد انسور .... واحنة الصفينة حطب ونحترگ بتنور .... وحتة نهر دجلة ابماية گام ايفور ..... والصار بينة اتعده لأهل الگبور .... والسنة التمر بينة ايامهة كلها عاشور .... دمك يالعراقي ليش مهدور
اسمع يابوش ياللي تكول دادي.....ترة شيعة عمر وسنة علي يدرون انته ضارب علي الهادي....بس والله انته البادي وتدري العراقي للعراقي فادي.........
الغربة ماتراد بس ولله مجبور عمرك شفت عدل يسكن بلكبور حنيت انا لبغداد ولشوفأة النـــاس والـي مـــــــــايـحـب بغــــداد ماعنـــــــــــدة احســـــــــــاس , اصفن واحاجي الروح وين احنة صرنة هم ترجع الايام ويلتم شملنة
حلو من الكيلاني اتزوره شيعتنه .... واشكد حلو من الحسين اتزوره سنتنه .... واشكد حلو يلعب عمر وعلي بمحلتنه .... واشكد حلو من اتصير الشيعة سنتنه .... واشكد حلو لمن اتصير السنة شيعتنه ارسلها اذا انت عراقي
بغداد مابيها امــــــــــــــــــان ..بس حلــــــــــــــــــــوة من زمـــــــــــان ..تســـــــــــــــــوه كل العـــــــــــــــالم واولــــــــــــــــــــهم سوريا وعمـــان ...* قسما بالدم الذي راق ...* سنعمل مهما كان العمل شاق ...* ونقول لا للطائفيه لا للفراق ...* مصيرنا الضمير والاخلاق ...* ودمنا لتربتك اشتاق ...* وسنمضي مهما الزمن ضاق ...* ونصف الساق بالساق ...*
: عراقي انا ومامزور بالهويه ................ عراقي انا والنخل يشهد عليه ................. عراقي انا وهاي اكبر هديه .................. عراقي انا والناس تعرف بيه ................. عراقي انا و الهم صار اليه ................. عراقي انا وربي يدري بيه ................. عراقي انا والغربه تحرك بيه .................... عراقي انا والاحتلال رح يضربلي تحيه .................... عراقي انا والفخر كله اليه .................. عراقي انا وماريد الطائفيه ................. عراقي انا ودجله والفرات هم اليه .................. عراقي انا وقلبي صافي نيه
عراقي وافتخر واللي ما يعجبه ينتحر كالوا شبيك رافع راسك وعينك كوية كلت العفو كل الناس بشر بس اني جنسيتي عراقية الغربة ما تنراد بس والله مجبور عمرك شفت عدل يسكن بالكبور ياعراق انهض كوم واسند علينا بدموعنا نسكي اليبس و نشيلك بدينا عراقي واصيح بعالي صوتي واضل للموت جنسيتي عراقي واذا مستثقل اسمي هم اجي وياك شيل ال( ع) هم ابقى اني راقي حنيت انا لبغداد ولشوفة الناس واللي ما يحب بغداد ما عنده احساس
وينك يا بو حفصة ؟؟ أنخاك يالخطاب ترد بغداد حرة وتطرد الأجناب ترد مفتاحها بيدك يافاروق ترد دار الرشيد وتفتح الابواب يرد إبن النجف يتعنّى للأنبار ويرد إبن الرمادي يسكن المشخاب ترد الماجدة من موصل وأربيل تتزوج بطل من بصرة السياب عذرآ ياعمر لو عددت الأسماء بعراق الواحد وهم كثرت الألقاب نريد الأمن هسة وما يهمنة الجوع نريد
يگولون العراق انتهى وراح ... اگوللهم لا لي هسة عطره يفوح من القداح ... يگولون العراق الم وعذاب وجراح .. اگوللهم الفرح موجود وبيدنا المفتاح ... يگولون شلون والعبوات والمفخخات وكل واحد شايل سلاح .. اگوللهم إذا صرنا گلب على گلب وأيد وحدة نبني بلدنا وننشد موطني بعالي الصوت وصياح... ونگول للعالم إلي تراهنوا على نهايتنا.. المستقبل إلنا وكل همنا زاح .......... العراقي ذهب... العراقية الماس... العراقي وفه... العراقية إحساس... العراقيين رغم الظروف
بغداد...... هليلة تمنيتج تمريلي ***بغداد يا جرح القلب وينج درجعليلي *** حنيت لترابــج انا و الفركة تجويني***والشوك ذكرني بوكت جنتــــي تحضنيني *** تذكرين يا شدة ورد بلونــج سحرتيني***ليش ذبلان الورد وزعلانة يا عيني *** بغداد يا شمعة انطفت بالظلمة عفتيني***وظليت تايه انا .. ياهو اليدليني ؟؟
أسكتوا..أسكتوا ولكم بسكم عاد..بسكم طائفية.....
هذا يصيح اني سني وهذي تصيح اني شيعيه
من ياوكت صارت الناس تحجي بالمذهبية.....
گول اني عراقي وانتِ..أنتِ گولي انه عراقيه
بيا شرع بيا دين بيا دنيا صار البشر ينكتل عالهوية....
لا والله ما صار ولادار هالظلم وهالهمجية
بالشوارع..بشوارع بغدادنه الحبيبة الجثث مرميه....
من اسأل واگول ليش انكتلوا هالناس يگلك ماندري هذوله مجهولي الهويه
ولكم غابة..خوما بغابة صرنه..لا والله حتى الغابة ما بيها هالوحشية....
ناس تكتل بناس..ليش ما يدرون..بحجة گال السيد وگال الشيخ وهاي هيه
ناس تتفرجلي الجزيرة وناس تتفرجلي العراقية....
وناس تكره ناس عالخالي بلاش بعد ما جانوا عايشين ابيت واحد سويه
اذا انتوا هيجي زلم وسباع وماخذتكم الحميه....
هذاك وينه الامريكي يصول ويجول بأرضنه ومحد يوگف بوجه وگفة قويه
العالم تسأل..يگلك العراق كله زلم وسلاح واليقاتل الامريكي بس (1) بالميه؟...
لعد وين راحت الزلم الخشنة وين راحت الغيره العربيه
شگللهم... اگللهم ناس تذبح ناس بالشوارع؟ أگللهم هم ذوله البقيه !!!.....
شريد اجاوب؟..اگللهم خلف الله على التخلف وخلف الله على الطائفيه؟
صار ياهو اليجي يگول اني للجنة وانت للنار مو صارت هيته هي....
ما فكرت بيوم القيامة شتگول لربك؟..تگله ربي سامحني اني معليه؟
ما ادري اضحك ما ادري ابجي ما ادري اسكت واگول اني سويت العليه...
احجي والحجي شيفيد دام اكو ناس مصرة ترجع لعصر الجاهلية
كان عدنا بلد يسوى كل البلدان إندار بيه الزمن وتغير العنوان ملوك وثورات واحزاب جرّونا من حرب لحرب وحصار بكل زمان وتغير حال الشعب وأصبح شعب جوعان وشكد ماتوا من القهر، وشكد هاجروا شبّان والمهاجر يدوّر وطن، وَكْ وين الوطن يا فلان * * * يالْتنشد على الوطن، صار الوطن أوطان أكراد وعرب وعجم ووياهم تركمان كل واحد عنده علم ومغيّر الألوان أقاليم ومجالس حكم، وجمعية وبرلمان واسمك يا عراق اختفى، وظل بالكتب عنوان وانّهب كنز الوطن وانباع بارخص الاثمان
خجل حتى الوطن من شافنه بها لحال ... مثل والد عليل تعاركو ولده
ياجار اليحشمه ويدري بالجيرا ... متحزمه عليه وتشتغل ضده
اذا مايهده تهده وتفرح وترتاح ... وماتهده دقيقه من الوضع يهده
باوع عالدول والناس وصلت وين ... وحنه بهلخلاف إنجيبه ونرده
مسرحنه نعرف وشتهروا لابطال ... مخطوف وشهيد ولازمه العده
ومجهول الهويه وجسد مابيه راس ... ومفجوعه بولدهه وتصرخ إبسده
مسكين اليتيم يمر عليه العيد ... ودموعه فواتح ناصبه بخده
گلي بيا ذنب كتلو ابوه وليش ... كوم عيال عده وكلشي ماعنده
اوگلي بيا بخت جابوه بغير زنود ... للجابت عمرهه مچلبه بزنده
جرحك مثل جرحي وبلوتك بلواي ... وصوابك صوابي شلون ماشده
ناوشني المحبه وبوسة التجبير ... خل نگطع نزيفه إبّلسم الوحده
اشگد مشتاگ امر للاعظميه اليوم ... والنعمان ازوره ويمك اتغده
ونعبر عالجسر نتمشه ايد بأيد ... يم باب الحوائج غيضنه نهده
لاخير بوطن ماتغفه عينك بيه ... و لاخير بشعب مايعبر الشده
هدوووووء ياعراق
مزقت قلبي بالأنين
قد زدتني شوقا وحنين
سحقا لظلم الجاحدين
هدوووووء يأرض الرافدين
رسمت الدمعة بكل عين
مزقت قلبي والدموع
انهارت مني نهرين
نهر دجلة دماء روحي
والفرات من كل عين
هدوووووء ياأرض السلام
فيك يحلو المنام
أنت ملجأ لكل الأنام
فيك ماء
فيك سخاء
فيك عطاء
لكي شوقي والحنين
هدوووووء يابغداد
أنت حياتي والملاذ
أنت أمي والحياة
حفظك الله ياعراق
حفظك الله ياعراق
حفظك الله ياعراق
وطنّه ابوگفتك وياي ينشاد
اخوي ودوم گلبي اعليك ينشاد
ظهري لا تظن بجناب ينشاد
اليشدّه چماغك اتلفه عليـــــــــــــــه
...........
اخوي انته وعزيز وجيتك البيتك
وريدن للجروح اضماد خل أيدك
ماحاجه ندخّل للصلح اجناب
خاف اتشوف دمعي اتمسحه چفيتك
عليش احنه يخوي ابيش مختلفين
هاك أقره هويتي وشوف جنسيتك
صدگني نسابه ومن أصل فلاح
سِبّاح اللي بسمي امچلّب ابصيتك
..
عراقي آنه انگطع ومطشّرالخرزات
عيب الخيط بيدك شك عراقيتك
لتگلي مذاهب وحنه متفرقين
اذا ديني نِفس يكمل تره ابريتك
وذا هنه مصالح نتّفق بنصاف
أخذ كل الكراسي وصفي بس نيتك
غزونه والحرامي المستفيد بهاي
والباگ امس حجلي ايريد ترچيتك
شد چتفك ابچتفي الطامعين اهواي
بس ينفك نطاقي اتموت بيريتك
اوفك عينك يخوي انصيده ابوالزمير
اذا يعبر شبچتي اتصيده سلّيتك
\
أمس ابنك عمر يسألني وين أحسين
تدري اشگد معاني ابهاي مختصره
يعني ابن الرمادي امسيّر الميسان
وبن ادهوك يزرع نخله بالبصره
يعني لا حواجز لا ملل وقوام
ذاك الدين واضح نهتدي ابامره
خل أيدك ابأيدي ابن العراق اوگوم
عيب الطائفيه اثنينّه انستره
وخل نلبس عگلنه وروس مرفوعات
ابونه اسمه العراق وبيتنه اشكبره
ابونه اسمه العراق وبيتنه اشكبره
يا صرخةً في مسامـع الدجـى
يا لوحة فـي ضميـر الطغـاة
لمحة في عيون بنـات العـراق
أنـت يــا فـجـر السـبـات
متـى تشرقـي يــا شـمـس
علـى بـلاد ملاييـن الحـفـاة
شاربيـن المـاء مـن نهريـن
دجلـة و الأخــرى فــرات
عيون أبـي وأمـي يـا عـراق
يا فكر تصرخ بداخلـه الآهـات
لوعتي فـي منامـي ويقظتـي
يا عراق أنـت أنيـن السكـات
متـى تغـادرك يـا وطـنـي
الأفاعـي والغربـان والطغـاة
متى المح أشجـارك الخضـراء
والمح ابتسامة في عيون الأمهات
تحياتي للجميع
طـال الفـراق بيـن ثنـايـاك
ونحن نعد الدقائـق والساعـات
نترقـب فجـراًُ يصبـغ لواءنـا
دماً وتصبـح حمـراً الرايـات
موضوع: دمك يالعراقي ليش مهدور ..... وانتة اعلة المنايه گادر 